പവിത്രമാം ധരണിയാം കേക്കിനായ് നാഥന് -
പാചകശാലയിലെത്തി..
സഹായിക്കാം ഞാനുമാവോളമെന്നോതി -
സാത്താനും കൂട്ടിനെത്തി.
മാലോകരെ തന്റെ ബോര്മ്മയിലേക്കെടുക്കവെ
സാത്താനവരെ നിരയായ് നിര്ത്തി
ശുദ്ധി നോക്കേണ്ടേ, നല്ല പലഹാരത്തിന്
തനിമ കിട്ടാന്...
സാത്താന് തന്റെ പരീക്ഷകളെ നല്ലൊരരിപ്പ-
യായ് മാറ്റിയതിലൂടെ,
കടന്നുപോയ് ഓരോ മനുജനു,മൊടുവില് -
ശുദ്ധിയായൊന്നുപോലും കിട്ടിയില്ല.!
നാഥന് ഇന്നും പാചകശാലയില് തന്നെ നില്പൂ,
സാത്താന് അരികത്തിരുന്ന്,
ശ്രദ്ധയോടരിച്ചെടുക്കുന്നു, നേര്ത്തരിപ്പയിലൂടെ-
ശുദ്ധി നോക്കാന്....
No comments:
Post a Comment