എനിക്കു ഭയമാണ് രാത്രിയെ
രാത്രിയുടെ നിശബ്ദതയെ
രാത്രിയുടെ കറുപ്പിനെ
വെയില് പരക്കട്ടെ,
അല്ലിനി മഴ പൊഴിയട്ടെ
എന്റെ
ഉള്ളകങ്ങളിലൊരു
കൊള്ളിയാന് മിന്നട്ടെ
കാറ്റാഞ്ഞു വീശിയെന്
ജാലകം തുറക്കട്ടെ
അല്പവും പേടിയില്ലെ-
നിക്കീ പകല്വഴികളില്
സന്ധ്യാംബരം നേര്ത്ത
കാറ്റിനാല് മെല്ലെ
യെന്കൂന്തല് തഴുകി
യാത്ര ചൊല്ലുമ്പോള്
എനിക്കു
ഭയമാണ് രാത്രിയെ
കള്ളങ്ങളൊളിപ്പിച്ചും
കണ്ണീര് പുരണ്ടും
കാട്ടാളന്
പുല്കി കറുപ്പുടുപ്പിച്ചൊരു
രാത്രിയെ പേടിയാണെനിക്കന്നുമിന്നും...
വേണ്ട,
നടക്കേണ്ടേറെ ദൂരം
ഈ കാരുണ്യം വറ്റും കറുത്ത വഴികളില്
വേണ്ട, എനിക്കിനി,
രാത്രിയേപ്പോലൊരു
കള്ളിയാം രാക്ഷസിയെ കൂട്ടു വേണ്ട....